الاثنين، 15 يونيو، 2009

Speed Limit !


اللي يعرف معنى ثاني للاشارة أعلاه غير ان حدود السرعة القصوى 120 كم/ ساعة يعلمني !!!
اللي يمشي 120 يقضب الحارة اليسار
واللي يمشي 240 شسوي بخلق الله ؟؟؟ فجأة تلاقيه وراك, ماتدري من وين طلع, لازق بأخلاقك و يترك و ساعات يدق هرن !
شالمطلوب ؟؟ أوخر ؟؟
انا و مزاجي ذاك اليوم .. ان كان المزاج اوكي , و منطرب مع سومة , وخرت و انا اغني و اضحك واقوله طس بللي مايحفظك
اما اذا المزاج مزفت, وحاط على مرينا اف ام , وحدى هالاتصالات الهاتفية اللي تقث اللي ما ينقث.. اتنحر .. وجني ما شوف
ليما يمل و يمر من يميني و يسبني و يشخط ..
ترى السياقة قبل كل شيء أخلاق
(هذي رسالة لصاحبة الجيب ال ب م الاحمر والعلج البصري.. شلون مستعيلة و تعلج !! )

هناك 11 تعليقًا:

  1. LOL

    Though it is sad in actuality, since driving in Kuwait is kinda like Nascar racing

    Hilarious post & writing though, made me laugh

    ردحذف
  2. غير معرف

    دوم الضحكة انشاءالله

    ردحذف
  3. اتفق معاك القياده اخلاق
    واضف لمثالك الناس اللي بالزحمه تمشي على حارة الأمان وتيي جدامك
    انا في هذي الحاله اتحول لمخلوق شرس اموت ولا اطوفهم يحروني
    :(
    تدوينة جميله برد قليبك وخلك مع سومه
    وسؤالي بهذه المناسبه:
    شدراك العلج بصري؟
    :pP~

    ردحذف
  4. شدراك انه علج بصري؟؟
    يمكن تشيكلتس
    :Pp
    يسلمك غير هالدندره مالت التعليق
    خلها مثلنا
    وشكرن

    ردحذف
  5. استكانة

    مبرد على قلبي بس في حالات مستعصية
    مثل حالات ام العلج البصري
    عرفته من كبره ز من هلاقاتها و لونه ياي على بيج
    مو معقوله اكسترا و الا اوربيتز هالبلي :)

    ردحذف
  6. المقوع الشرقي

    اول شيء كملتي الجزء و الا لا ؟؟

    ثاني شيء , علج بصري , تراهنين؟

    ردحذف
  7. المقوع

    اشفيها التعليقات
    تراني عليمي

    ردحذف
  8. عاد انا استانس اذا يوني ناس من هالطقة !!

    اطفرهم :):)

    ادوس 120 ولا اوخر !!واسوي روحي ماادري !! جني قاعد اسولف ولا معطيه اهمية !

    كاااااااااااااااااااااااك :)






    وتحياتي ..
    ويسلمواااااااااااااااااااا :)

    ردحذف
  9. خلاص عرفتله
    اسمى كاشخ قوقل
    ..
    أراهن
    احس العلج حمر ماتشينق مع السياره:)

    ردحذف
  10. Q8El5AIR

    الله يعطينا طولة البال دوم مو يوم :)

    ردحذف
  11. المقوع الشرقي

    اسمج نور جبلة و شرق و المرقاب و ام صدة :)

    جان انا عندي عمى الوان ؟؟ كل شيء جايز :)

    ردحذف